२०८२ फाल्गुण ३० गते शनिवार
२०८२ फाल्गुण ३० गते शनिवार
काठमाडौं । छोरीको उत्तरपुस्तिका सच्चाएर परीक्षामा पास गराएको आरोपमा लोक सेवा आयोगले तत्कालीन शाखा अधिकृत मिमबहादुर शाहीविरुद्ध मुद्दा दायर गरिएको छ ।
अख्तियार दुरुपयोग अनुसन्धान आयोगले शाहीविरुद्ध सरकारी कागजात सच्याइ अनियमितता गरेको आरोपमा विशेष अदालतमा मुद्दा दायर गरेको हो ।
नेपाल वायु सेवा निगमतर्फको (खुल्ला, समावेशी) सहायक चौथो पदको लागि भएको परीक्षामा छोरी सहभागी गराई परीक्षार्थीको उत्तरपुस्तिका सच्याइ अनियमितता गरेको भन्ने उजुरीको आधारमा अख्तियारले अनुसन्धान गरेको थियो ।
अनुसन्धानमा तत्कालीन शाखा अधिकृत शाहीले छोरीलाई परीक्षामा सफल गराउने नियत राखी नेपाल वायु सेवा निगमतर्फको सहायक चौथो तहको परीक्षामा प्रशिक्षार्थीले दिएको उत्तरपुस्तिका सच्याएको पुष्टि हुन भएको अख्तियारको आरोप पत्रमा उल्लेख छ ।
उनीविरुद्ध कार्य भ्रष्टाचार निवारण ऐन, अख्तियार दुरुपयोग अनुसन्धान आयोग ऐन, २ बमोजिम विशेष अदालत, काठमाडौंमा आरोपपत्र दायर गरिएको अख्तियारको प्रवक्ता एवं सहसचिव नारायणप्रसाद रिसालले जानकारी दिए।
© 2026 All right reserved to khabarcnter.com | Site By : Sobij
