२०८२ चैत्र २ गते सोमवार
२०८२ चैत्र २ गते सोमवार
काठमाडौं । वित्तीय पीडितहरूले आफूहरूको मागलाई सरकारले चासो नदेखाएको भन्दै कडा आन्दोलन गर्ने चेतावनी दिएका छन् ।
४० महिनादेखिको शान्तिपूर्ण आन्दोलनलाई सरकार र राजनीतिक दलहरुले कमजोरीको रूपमा नलिन अध्यक्ष मनिराम ज्ञवालीले चेतावनी दिएका छन् । अधिकारका लागि लड्ने जनताले कहिल्यै पनि हारेको इतिहास नभएको बताउँदै आन्दोलन गर्ने चेतावनी दिएका छन् ।
लघुवित्त, सहकारी र मिटरब्याजीहरुसँग पटक पटक भएको सम्झौताहरूलाई कागजमै सीमित राखेर पीडितलाई सडकमै कुट्नु, गिरफ्तार गर्नु र अनावश्यक दुःख दिनु गैर न्यायिक कार्य भएको सहकारी बचतकर्ता संरक्षण राष्ट्रिय अभियान महासंघका अध्यक्ष कुशलव केसीले बताएका छन् । राज्यले उल्टो बाटो समातेर अगाडि बढे त्यसको ठुलो मूल्य चुकाउनु पर्ने चेतावनी दिएका हुन् ।
बैशाख ४ गते सम्पूर्ण पीडितहरू सडकमा उत्रने र ठुलो प्रदर्शन गर्ने जानकारी दिए छन् ।
© 2026 All right reserved to khabarcnter.com | Site By : Sobij
