२०८२ चैत्र २ गते सोमवार
२०८२ चैत्र २ गते सोमवार
उच्च अदालत तुलसीपुरको बुटवल इजलासले दिएको आदेशलगत्तै शुक्रबार राति राष्ट्रिय स्वतन्त्र पार्टी (रास्वपा) का सभापति रवि लामिछाने पक्राउ गर्न घरमै पुगेका एकजना प्रहरी कर्मचारीको बोली अहिले सामाजिक सञ्जालमा भाइरल छ ।
जसमा काठमाडौंको हात्तिगौडास्थित रविको घरमा पुगेको प्रहरी टोलीको एक जनाले रविको ‘अन्तिम इच्छा’ सोधेको कुरा अहिले सामाजिक सञ्जालमा चर्चामा छ ।
पक्राउ गर्न साधा पोसाकमा पुगेका ती प्रहरी कर्मचारी हुन डिएसपी दीपक खड्का । उनले रवि लामिछानेको ‘अन्तिम इच्छा’ पूरा गर्न दिने भनेपछि विवाद भएको थियो ।
कतै प्रहरीले पक्राउ गरेर ‘इन्कान्टर’ गर्न त खोजेको होइन भनेर रविका सहयोगीले उनलाई र्याखर्याख्ती पारेका थिए । पछि खड्काले पक्राउ पर्नुअघि वकिलसँग सल्लाह गर्ने लगायत अन्तिम तयारीका लागि आफूले त्यसो बताएको स्पष्टीकरण दिएका थिए ।
डिएसपी दीपक खड्का नेकपा माओवादी केन्द्रका अध्यक्ष पुष्पकमल दाहाल प्रचण्डका पिएसओका रुपमा समेत खटिएका थिए । महानगरीय प्रहरी वृत्त सोह्रखुट्टेको इन्चार्ज रहँदा उनी कारबाहीमा समेत परेका थिए । त्यतिबेला उनीमाथि आर्थिक प्रलोभनमा परेको गम्भिर आरोप लगाइएको थियो । उनीमाथि ठमेलका बार, नाइट क्लबका व्यापारीहरूसँग पैसा लिने गरेको आरोप लागेको थियो ।
© 2026 All right reserved to khabarcnter.com | Site By : Sobij
