२०८२ भाद्र ३ गते मंगलवार
२०८२ भाद्र ३ गते मंगलवार
काठमाडौँ । नयाँ वर्ष लागेसँगै सुनचाँदीको मूल्य लगातार उकालो लाग्न थालेको छ । आज (शुक्रबार) सुनको मूल्य तोलामा ७०० रुपैयाँ वृद्धि भएको छ ।
यस दिन छापावाला सुन प्रतितोला ९० हजार ५०० रुपैयाँमा र तेजाबी सुन प्रतितोला ९० हजार रुपैयाँमा किनबेच भइरहेको नेपाल सुनचाँदी व्यवसायी महासंघले जनाएको छ । बिहीबार सुन प्रतितोला ३०० रुपैयाँ बढेर प्रतितोला ८९ हजार ८०० रुपैयाँमा खरिदबिक्री भइरहेको छ ।
शुक्रबार सुनसँगै चाँदीको भाउ पनि बढेको छ। यस दिन चाँदी तोलामा १० रुपैयाँ बढेर प्रतितोला एक हजार ३०० रुपैयाँमा कारोबार भइरहेको छ । बिहीबार पनि चाँदी तोलामा ३० रुपैयाँले वृद्धि भई प्रतितोला एक हजार २९० रुपैयाँमा कारोबार भएको थियो ।
© 2025 All right reserved to khabarcnter.com | Site By : Sobij
