२०८२ माघ १३ गते मंगलवार
२०८२ माघ १३ गते मंगलवार
काठमाडौँ । सर्वोच्च अदालतको न्यायाधीशमा सिफारिस दुईजनाको आज (शुक्रबार) संसदीय सुनुवाइ हुँदैछ ।
उच्च अदालत पाटनका मुख्य न्यायाधीश कुमार चुडाल र सुर्खेत उच्च अदालतका न्यायाधीश नहकुल सुवेदीलाई न्याय परिषदले सर्वोच्चको न्यायाधीशमा सिफारिस गरेर सुनुवाइका लागि पठाएको थियो ।
समितिले दुवैजना विरुद्ध सार्वजनिक रुपमा उजुरी आह्वान गर्दै सुनुवाइका लागि शुक्रबार बिहान ११ः३० बजे उपस्थित हुन निर्देशन दिएको छ ।
सुवेदीविरुद्ध पाँचवटा र चुडालविरुद्ध दुईवटा उजुरी समितिमा दर्ता भएको थियो । सुवेदीविरुद्ध परेका पाँचवटै उजुरीमा सर्वोच्चको न्यायाधीश हुन आवश्यक न्युनतम योग्यता नपुगेको दाबी गरिएको छ भने चुडाविरुद्ध मुद्दा फैसला गर्दा घुस खाएको आरोप लागेको छ ।
समितिले यसअघि चैत २५ गते नै सुनुवाइ गर्ने तयारी गरे पनि सुवेदीको योग्यतामाथि प्रश्न उठाउँदै सर्वोच्चमा रिट दायर भएपछि शुक्रबारका लागि सुनुवाइ सारेको थियो ।
वरिष्ठ अधिवक्ता सुरेन्द्र भण्डारीले सुवेदीको योग्यतामाथि प्रश्न उठाउँदै दायर गरेको रिटमा चैत ३० गते सर्वोच्चले फैसला गर्दै योग्यता पुग्ने ठहर गरेको थियो ।
क्याडरबाट सर्वोच्चको न्यायाधीश हुन न्यायसेवाको प्रथम श्रेणी (सहसचिव) तहमा कम्तीमा १२ वर्ष काम गरेको हुनुपर्ने संवैधानिक व्यवस्था भएकोमा सुवेदीको हकमा उक्त योग्यता नभएको दाबी गरिएको थियो ।
© 2026 All right reserved to khabarcnter.com | Site By : Sobij
