२०८२ कार्तिक १९ गते बुधवार
२०८२ कार्तिक १९ गते बुधवार
काठमाडौं । प्रमुख सत्तारुढ नेकपा एमाले केन्द्रीय कमिटीको आठौं बैठक ललितपुरको च्यासलमा सुरु भएको छ । यो बैठक १० महिना लामो प्रतिक्षापछि बसेको हो । २०८० फागुनपछि पहिलो पटक केन्द्रीय कमिटी बैठक राखिएको हो ।
यो दश महिनाको अवधिमा एमाले एक पटक सत्ता साझेदारको भूमिकामा थियो भने अहिले सत्ताको नेतृत्व गरिरहेको छ । अध्यक्ष एवम् प्रधानमन्त्री केपी शर्मा ओलीले सरकारको नेतृत्व गर्नुपरेका कारण बैठक लामो समय बस्न नसकेको बताएका छन् ।
प्रचार विभाग प्रमुख राजेन्द्र गौतमका अनुसार पोलिटब्युरो सदस्य सूर्य थापाको संयोजकत्वमा बहस नोट समिति गठन भएको छ । सो समितिको सदस्यमा केन्द्रीय सदस्य विष्णु रिजाल र निरज आचार्य सदस्य छन् ।
एमालेको विधानमा हरेक ६/६ महिनामा केन्द्रीय कमिटी बैठक बस्नुपर्ने प्रावधान छ । तर एमालेले केन्द्रीय कमिटीको काम सचिवालय बैठकबाटै चलाउँदै आएको थियो । यो केन्द्रीय कमिटी बैठकमा ओलीले राजनीतिक प्रतिवेदन पनि पेश गर्दैछन् ।
© 2025 All right reserved to khabarcnter.com | Site By : Sobij
