२०८२ फाल्गुण ३० गते शनिवार
पर्सा । हुन्डी कारोबारको अभियोगमा प्रहरीले तीन जनालाई पक्राउ गरेको छ ।
जिल्ला प्रहरी कार्यालय पर्सा टोलीले पर्सागढी नगरपालिकाका ६० वर्षीय जोखन साई फकिर र तवारख देवान र उमेश शर्मालाई नियन्त्रणमा लिएको प्रहरीले जानकारी दिएको छ ।
ना १२ प ५०७३ नम्बरको मोटरसाइकलमा आइरहेका जोखन र तवारखलाई शंका लागि जाँच गर्दा उनीहरूको साथमा भएको १६ लाख रुपैयाँ फेला पारेको प्रहरीले जानकारी दिएको छ । घटनाको थप अनुसन्धान गर्दा हुण्डीमा उमेश शर्माको समेत संलग्नता देखिएपछि नियन्त्रणमा लिएको हो ।
उनीहरू विरुद्ध बैङ्क तथा वित्तीय संस्था सम्बन्धी ऐन अन्तर्गत अदालतबाट सात दिनको म्याद थप गरेर अनुसन्धान भइरहेको छ ।
© 2026 All right reserved to khabarcnter.com | Site By : Sobij