२०८२ भाद्र २ गते सोमवार
२०८२ भाद्र २ गते सोमवार
कैलाली । सुदूरपश्चिम प्रदेशमा कोरोनाको नयाँ भेरियन्ट देखिन थालेपछि पहिलो पटक एक कोरोना सङ्क्रमितको मृत्यु भएको छ । कञ्चनपुरको महेन्द्रनगरस्थित महाकाली अस्पतालमा उपचाररत एक ४५ वर्षीय सङ्क्रमित पुरुषको मृत्यु भएको हो ।
महाकाली अस्पतालमा उपचाररत् जिल्लाको भीमदत्त नगरपालिका वडा नम्बर १५ का ४५ वर्षीय सङ्क्रमित पुरुषको मङ्गलवार राति मृत्यु भएको जिल्ला प्रहरी कार्यालय कञ्चनपुरले जनाएको छ ।
कार्यालयका प्रवक्ता प्रहरी नायब उपरीक्षक अमरबहादुर थापा क्षेत्रीले २२ गते भारतको गुजरातबाट फर्किएर सङ्क्रमण पुष्टि भएका पुरुषको मृत्यु भएको बताए। उनको शवव्यवस्थापनको तयारी भइरहेको छ ।
उनमा नयाँ भेरियन्ट देखियो थियो वा थिएन भन्ने विषय अहिले विषय प्रस्ट भइसकेको छैन । भेरियन्ट पत्ता लगाउनका लागि नमुना काठमाडौँ पठाउनुपर्ने र त्यहाँबाट हङ्कङ पठाउनुपर्ने बाध्यता छ ।
चिकित्सकहरूले भने सुदूरपश्चिममा युके र अस्ट्रेलियन भेरियन्ट फैलिएको हुन सक्ने बताएका छन् । सुदूरपश्चिम प्रदेशमा कोरोनाका विभिन्न भेरियन्टहरू देखिन सक्ने भन्दै सीमानाका सँगै समुदायमा पनि सतर्कता बढाउनुपर्ने चिकित्सकहरू बताउँछन् ।
सीमानाकामा उच्च सतर्कता नअपनाइए प्रदेशमा कोरोना महामारीले फेरी विकराल रूप लिन सक्ने भन्दै यस विषयमा अहिले नै पूर्ण पहलकदमी सुरु गर्नुपर्ने सेतीप्रादेशिक अस्पतालका वरिष्ठ फ्यामिलीफिजिसियन डा जगदीश जोशीले बताए।
© 2025 All right reserved to khabarcnter.com | Site By : Sobij
