२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । एमाले सचिवालय बैठक बसेको छ । केहीबेर अघि उक्त बैठक बसेको हो ।
बैठकमा राष्ट्रसंघको ७९ औँ महासभामा भाग लिएर ११ दिनपछि नेपाल फर्किएका प्रधानमन्त्री एवं पार्टी अध्यक्ष केपी शर्मा ओली पनि सहभागी छन् ।
बाढीको विपदबाट सयौँ नागरिकको मृत्यु भएको छ । हजारौँले घरबार गुमाएका छन् । यस्तोमा सरकारको कामलाई लिएर जनस्तरमा चर्को आलोचना भइरहेको छ ।
ओली स्वदेश फर्किएलगत्तै एमालेको सचिवालय बैठक बसेको हो । बैठकमा देशभर बाढी, पहिरोले गरेको क्षति, उद्धार र राहतसहितका विषयमा छलफल हुने बताइएको छ ।
शुक्रबार र शनिबार परेको भीषण वर्षा एमाले पार्टी कार्यालय डुवानमा परेको छ । एमाले सचिवालय बैठक हनुमानथानस्थित बसेरा होटलमा बसेको छ ।
आज अपरान्ह ४ः०० बजे प्रधानमन्त्री ओलीले पत्रकार सम्मेलन पनि गर्दैछन् ।
© 2025 All right reserved to khabarcnter.com | Site By : Sobij
