२३औँ सम्मेलन

पूर्वमुख्यमन्त्रीको छोराको रबैया : सम्मेलनमै खुकुरीसहित विरोध प्रदर्शन, १ जना प्रहरी नियन्त्रणमा

आश्विन १४, २०८१ सोमवार

4.9K

पूर्वमुख्यमन्त्रीको छोराको रबैया : सम्मेलनमै खुकुरीसहित विरोध प्रदर्शन, १ जना प्रहरी नियन्त्रणमा

काठमाडौं । नेकपा (माओवादी केन्द्र) निकट अनेरास्ववियु (क्रान्तिकारी)को जारी २३औँ सम्मेलनमा खुकुरीसहित विरोध प्रदर्शन गरिएको छ ।

लुम्बिनी प्रदेशका पूर्वमुख्यमन्त्री जोखबहादुर महराका छोरा तुकमान महरा समूहले सम्मेलनमै खुकुरी प्रदर्शन गरेको हो ।

उमेरहद बन्दीबारे सम्मेलनमा कुरा नमिलेपछि त्यसको विरोधमा तुकमानले आफ्नो समूह उचालेर खुकुरीसहित विरोध प्रदर्शन गरेका थिए ।

उनको समूहले विपक्षी समूहका नेता तथा कार्यकर्ताहरूलाईसमेत धकेलेका थिए ।

तुकमान यसअघि अनेरास्ववियु (क्रान्तिकारी)को उपाध्यक्ष थिए । उनी यसपटकको सम्मेलनमा अध्यक्ष प्रत्यासी छन् ।

२८, ३० वा ३२ कति वर्षे उमेर हद लगाउने भन्नेमा कुरा नमिलेपछि निर्वाचनबाट टुंगो लगाउने तयारी हुँदा विवाद सिर्जना भएको हो ।
माओवादी केन्द्रका अध्यक्ष पुष्पकमल दाहाल ‘प्रचण्ड’ले अनेरास्ववियु (क्रान्तिकारी)का नेताहरूसँग आज बिहान छलफल गरेका थिए । उक्त छलफलमा तुकमान उपस्थित थिएनन् ।

प्रकाशित मिति :आश्विन १४ २०८१ सोमवार - १४:४३:५१ बजे

प्रतिक्रिया