२०८२ माघ १३ गते मंगलवार
२०८२ माघ १३ गते मंगलवार
विराटनगर । प्रदेश १ का मुख्यमन्त्री शेरधन राईविरुद्ध दर्ता गराएको अविश्वासको प्रस्ताव नेकपा माओवादी केन्द्रद्वारा फिर्ता लिईने भएको छ ।
माओवादी केन्द्रले औपचारिक रुपमा आज प्रदेश १ को बस्ने प्रदेशसभाको सतौं हिउँदे अधिवेशनको चौथो बैठकबाट प्रस्ताव फिर्ता लिने भएको हो । बैठक दिउँसो २ बजे बस्ने बताईएको छ ।
गत पुस १२ गते तत्कालीन नेकपाको माधव नेपाल र प्रचण्ड समूहका ३७ जना सांसदले अविश्वासको प्रस्ताव दर्ता गराएका थिए । तर सर्वोच्च अदालतले माओवादी केन्द्र र एमालेलाई पुरानै अवस्थामा फर्काइदिएपछि चैत १७ गते माधव नेपाल समूहले प्रस्ताव फिर्ता लिएको थियो ।
अविश्वासको प्रस्ताव पास नहुने अवस्था आएपछि माओवादी केन्द्रले बैठकबाट नै फिर्ता लिने भएको हो ।
© 2026 All right reserved to khabarcnter.com | Site By : Sobij
