२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । नेकपा (माओवादी केन्द्र) निकट अखिल (क्रान्तिकारी)को सम्मेलन मिति तय भएको छ । अखिल (क्रान्तिकारी)को २३ औँ राष्ट्रिय सम्मेलन असोज १० देखि १४ सम्म काठमाडौंमा हुने भएको छ ।
असोज २ बुधवारदेखि असोज ५ गतेसम्म संघीय राजधानी काठमाडौंको प्रज्ञा भवन कमलादीमा हुने भनिएकोमा सम्मेलन अन्तिम समयमा आएर स्थगित भएकोमा संगठनको कार्यालय बैठकले स्थगित भएको सम्मेलनको नयाँ मिति तय गरेको हो ।
विद्यार्थी नेतृत्वकै परीक्षा समेत चलिरहेको र प्रदेश सम्मेलन समयमै हुन नसकेका कारण स्थगित २ गतेदेखि सुरु हुन लागेको सम्मेलन स्थगित भएको थियो । संगठनको कार्यालय बैठकले असोज १० देखि १४ सम्म काठमाडौंमा नै सम्मेलन गर्ने निर्णय भएको संगठनका उपाध्यक्ष मदन भुलले जानकारी दिए ।
यद्यपि केन्द्रदेखि स्थानीय तहसम्म अखिल (क्रान्तिकारी)मा माओवादी केन्द्रका उपमहासचिवद्वय वर्षमान पुन र जनार्दन शर्माको गुट प्रष्ट देखिएको थियो । त्यसलाई समाधान गर्न बिहीबार पार्टी पदाधिकारी बैठक बसेको थियो ।
सो बैठकले अखिल (क्रान्तिकारी)मा देखिएको गुट नबनाउने सहमतिका आधारमा राष्ट्रिय सम्मेलन मिति तोकिएको छ ।
© 2025 All right reserved to khabarcnter.com | Site By : Sobij
