२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । राष्ट्रिय स्वतन्त्र पार्टी (रास्वपा)को राष्ट्रिय भेला काठमाडौंमा मंगलबारबाट सुरू भएको छ ।
उक्त भेलामा पार्टी सभापति रवि लामिछानेले प्रस्तुत गर्ने राजनीतिक प्रतिवेदनमा पदाधिकारीले आफ्नो धारणा राख्न नपाउने भएका छन् ।
भेलाको समापन अघि सभापति रविले राजनीतिक प्रतिवेदन पेस गर्ने कार्यतालिका छ । उनले उक्त प्रतिवेदन अपरान्ह ४ः३० बजे पेस गर्नेछन् ।
राजनीतिक प्रस्ताव पेस, अनुमोदन, अभियानको घोषणा, महाधिवेशनको मिति र स्थान घोषणा ४ः३० बजेबाट सुरु भई एक घण्टामा सकिने गरी कार्यतालिका बनाइएको छ ।
भेलामा सात प्रदेशका प्रतिवेदन, आर्थिक प्रतिवेदन, अनुशासन आयोग प्रतिवेदनमाथि सामूहिक छलफलको कार्यतालिका बुधबार विहान ७ देखि ११ बजेसम्मका लागि तोकिएको थियो ।
दस्तावेजमा आधारित प्रश्नोत्तर ११ः४५ देखि २ः४५ बजेसम्मका लागि समय निर्धारण गरिएको छ ।
सभापति बाहेक अन्यले पेश गरेका प्रतिवेदनको आवश्यक संशोधनको समय ३ः१५ देखि ४ः३० बजेसम्मका लागि समय छुट्याइएको छ ।
त्यसपछि सभापतिको राजनीतिक प्रतिवेदन पेस हुने र अनुमोदन गर्ने कार्यतालिका बनाइएको छ ।
© 2025 All right reserved to khabarcnter.com | Site By : Sobij
