२०८२ माघ १३ गते मंगलवार
२०८२ माघ १३ गते मंगलवार
नेपालका माओवादी तितरबितर भएर अस्तित्व जोगाउने कसरतमा लाग्दा भारतका माओवादीले आतंक मच्चाएका छन् ।
भारतको छत्तिसगढमा माओवादीसँगको भिडन्तमा २२ सुरक्षाकर्मीको मृत्यु भएको छ । ४ घण्टासम्म चलेको भिडन्तमा ३२ जना सुरक्षाकर्मी घाइते भएको र एक वेपत्ता बनेको टाइम्स अफ इन्डियाले जनाएको छ ।
शुक्रबार रातिदेखि २ हजार जनाको संयुक्त सुरक्षा बलले बिजापुर र सुक्मा जिल्लास्थित जंगलमा माओवादीविरुद्ध अवरेसन चलाएका थिए । त्यसक्रममा माओवादीले थापेको एम्बुसमा सुरक्षाकर्मी परेका थिए ।
त्यसलगत्तै दुवैतर्फ गोली हानाहान भएको थियो । माओवादीतर्फ पनि ठूलो क्षति भएको अनुमान गरिएको छ । तर घटनास्थलमा एक महिलाको मात्रै लाश भेटिएको सञ्चारमाध्यमले जनाएका छन् ।
भारतीय प्रधानमनत्री नरेन्द्र मोदीले उक्त घटनाको भयङ्कर निन्दा गरेका छन् ।
© 2026 All right reserved to khabarcnter.com | Site By : Sobij
