२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । नेकपा (माओवादी केन्द्र)ले सदन चल्न दिने भएको छ । सोमबार मध्यरातिदेखि चालु अधिवेशन अन्त्य हुने भएपछि अन्तिम दिनको बैठकमा माओवादी केन्द्र लचिलो बनेको हो ।
नेकपा (एमाले) सचिव योगेश भट्टराईले जनयुद्धलाई हिंसाको संज्ञा दिएपछि उत्पन्न विवादमा माओवादीले सदन चल्न नदिनेसम्मको निर्णय गरेको थियो ।
सभामुख देवराज घिमिरेले समेत हिंसा शब्द असंसदीय नभएको भन्दै संसदीय रेकर्डबाट हटाउन नपर्ने निष्कर्ष सुनाएका थिए ।
सभामुख देवराज घिमिरेले सोमबार बोलाउनु भएको कार्यव्यवस्था परामर्श समितिको बैठकमा माओवादीका प्रमुख सचेतक हितराज पाण्डेले हिंसा शब्द हटाउनु पर्छ भन्ने पक्षमा पार्टीको अडान कायम रहेको बताए ।
उनले भनेका छन्, हामी हिंसा शब्द हटाउनुपर्छ भन्ने पक्षमा छौं । तर प्रधानमन्त्री विदेश जाने विषयमा सदनमा बोल्न बाधा गर्दैनौं । सभामुखको विरोधमा हामी छैनौं । हामी आफ्ना कुरा राखेर अवरोध हटाउँछौं ।
योसँगै संसदको गतिरोध अन्त्य भएको छ । प्रतिनिधि सभाको बैठक अहिले एक बजेपछि बस्दैछ । जसमा प्रधानमन्त्री केपी शर्मा ओलीले सम्बोधन गर्ने कार्यसूची छ ।
© 2025 All right reserved to khabarcnter.com | Site By : Sobij
