२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । आज (आइतबार) दिउँसो १ः०० बजे बोलाइएको बैठक स्थगित भएको छ । संघीय संसद्को अभिलेखबाट ‘हिंसा’ शब्द नहटाएसम्म बैठक चल्न नदिने माओवादीको अडान पश्चात् बैठक अनिश्चितकालका लागि स्थगित भएको हो ।
भदौ १२ मा सत्तापक्षी सांसद योगेश भट्टराईले संसदमै ‘जनयुद्ध’लाई ‘हिंसा’को टिप्पणी गरेपछि प्रतिपक्षी माओवादीले प्रतिवाद गरेको थियो । त्यसयता संसद् बैठक प्रभावित हुँदै आएको छ ।
प्रभावित बैठक सुचारु गर्न आज दिउँसो सभामुखसहित सत्ता र प्रतिपक्षी दलका सचेतकसँगको छलफलमा माओवादीले उहीँ अडान दोहोर्याएपछि आज बस्ने बैठक स्थगित भएको हो ।
माओवादीले संसद् चल्न नदिने अडान राखेपछि सभामुख देवराज घिमिरे हतोत्साहित भएका छन् । किनकि भोलि (सोमबार) बस्ने संसद् बैठकमा प्रधानमन्त्री केपी शर्मा ओलीले सम्बोधन गर्ने सम्भावित कार्यसूची छ ।
संसद्को सम्बोधन पश्चात् असो ४ मा प्रधानमन्त्री अमेरिका भ्रमणमा जाँदैछन् । यस्तो अवस्थामा संसद् अवरुद्ध भए सभामुखमाथि नै दोष थोपरिनसक्ने सत्तापक्षी कांग्रेस सांसदहरू बताउँछन् ।
© 2025 All right reserved to khabarcnter.com | Site By : Sobij
