२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । रास्वपा सांसद मनिष झाले राष्ट्रिय स्वतन्त्र पार्टी (रास्वपा) का सांसद मनिष झाले उपसभामुख इन्दिरा रानाले जानाजान गल्ती नगरेको दाबी गरेका छन् ।
‘१९ महिना पहिले उपसभामुखज्युले एउटा पत्र लेख्नुभयो । उहाँलाई ज्ञान नभएर हस्ताक्षर गर्नुभयो । जसको बारेमा उहाँले म बाट गल्ती भयो भनेर विज्ञप्ति पनि निकालिसक्नुभयो ।’
गल्ती स्वीकार गरिसक्दा समेत यसलाई राजनीतिक रुपमा बार्गेनिङ गरिनु गलत भएको उनले बताए । बुधबार प्रतिनिधिसभामा आकस्मिक समयमा बोल्दै उनले यस्तो बताएका हुनन् ।
संसद् सचिवालयसँग सम्बन्धित नरहेका ६ व्यक्तिलाई अमेरिका पठाउन भिसा अन्तर्वार्ता मिति मिलाइदिन भन्दै संसद्को लेटरहेडमा उपसभामुखले दूतावासलाई लेखेको अनधिकृत पत्र केही समयअघि सार्वजनिक भएसँगै उनको पदीय मर्यादाको विषय चर्चामा छ ।
१९ महिना अगाडि उपसभामुख रानाले अमेरिकी दूतावासलाई लेखेको पत्रलाई लिएर अहिले राजनीतिक रुपमा प्रश्न उठाइनु गलत भएको उनको भनाइ छ ।
© 2025 All right reserved to khabarcnter.com | Site By : Sobij
