२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । प्रधानमन्त्री केपी शर्मा ओली र नेपाल समाजवादी (नेसपा) अध्यक्ष डा.बाबुराम भट्टराईबीच भेटवार्ता भएको छ ।
भेटका क्रममा संक्रमणकालीन न्यायसम्बन्धी कुराकानी भएको र संक्रमणकालीन न्यायसम्बन्धी कानून बनेकोमा भट्टराईले सरकारलाई धन्यवाद दिएको प्रधानमन्त्री ओलीले सामाजिक सञ्जालमार्फत जानकारी गराएका छन् ।
भट्टराईसँगको तस्बिर सञ्जालमा साझा गर्दै ओलीले भनेका छन्, ‘मेरा मित्र, पूर्व प्रधानमन्त्री बाबुराम भट्टराईजीसँग भेट भयो । संक्रमणकालीन न्याय सम्बन्धी कानून बनेकोमा उहाँले धन्यवाद दिनु भयो । समसामयिक राजनीतिक विषयमा समेत छोटो कुराकानी भयो ।’
यसका साथै ओली र बाबुरामको भेटमा गण्डकी सरकारबारे पनि छलफल भएको स्रोतले बतायो । स्रोतका अनुसार गत असार १७ मा कांग्रेस–एमाले सत्ता समीकरण भएसँगै गण्डकीमा कांग्रेस, एमाले लगायतका दलहरूबीच सत्ता समीकरण भएको थियो ।
त्यतिबेला एमालेले मन्त्रीद्वय दीपक मनाङे र फणीन्द्र देवकोटालाई हटाउनैपर्ने अडान राखेको थियो । उसले मनाङे र फणीन्द्रलाई हटाएर उनीहरूको ठाउँमा आफ्ना मन्त्री पठाउने बताउँदै आएको थियो ।
यहीँ निहुँमा झन्डै दूई महिनासम्म एमाले सत्ता बाहिर नै बसेको थियो । तर, केन्द्रको निर्देशन बमोजिम एमाले भर्खरै सत्तामा पुगेको छ ।
ओलीसँगको छलफलमा फणीन्द्रलाई नहटाउन भट्टराईले जोड दिएको स्रोतले बतायो । यसअघि कांग्रेस नेतृत्वको सरकार जोगाउन फणीन्द्रले साथ दिएको भन्दै भट्टराईलाई कुनै हालतमा नहटाउन प्रदेशमा निर्देशन दिन ओलीलाई आग्रह गरेका थिए । सोही बमोजिम उनले गण्डकीमा सर्कुलर गरिसकेका छन् भने अब फणीन्द्रको मन्त्रीपद सुरक्षित हुनेछ ।
© 2025 All right reserved to khabarcnter.com | Site By : Sobij
