२०८२ भाद्र १ गते आइतवार
२०८२ भाद्र १ गते आइतवार
काठमाडौं । नेपाल दूरसञ्चार प्राधिकरणले सबै मोबाइल तथा इन्टरनेट सेवा प्रदायक कम्पनीलाई टिकटकमाथिको प्रतिबन्ध हटाउन निर्देशन दिएको छ ।
प्राधिकरणले आज (शुक्रबार) एक सूचना जारी गर्दै टिकटकमाथिको प्रतिबन्ध हटाइएको जानकारी दिएको हो । यही भदौ ६ गतेको
मन्त्रिपरिषद् बैठकले टिकटकमा लगाइएको प्रतिबन्ध हटाउने निर्णय गरेको थियो । सरकारले निर्णय गरेको १५ दिनपछि प्राधिकरणले आजबाट प्रतिबन्ध हटाउन निर्देशन दिएको हो ।
सबै इन्टरनेट सेवा प्रदायक र मोबाइल सेवा प्रदायकलाई टिकटकमा लगाइएको प्रतिबन्ध हटाउन प्राधिकरणले निर्देशन दिएको छ । २०८० कात्तिक २७ गते बसेको मन्त्रिपरिषद् बैठकले टिकटक बन्द गर्ने निर्णय गरेको थियो ।
टिकटकबाट सामाजिक सद्भाव बिगार्ने काम गरेकाले त्यसलाई बन्द गर्ने निर्णय गरिएको तत्कालीन सरकारका प्रवक्ता रेखा शर्माले बताएकी थिइन् ।
त्यसलगत्तै नेपाल दूरसञ्चार प्राधिकरणले कार्तिक २८ गते सूचना जारी गर्दै सबै इन्टरनेट सेवा प्रदाकहरूलाई टिकटकको पहुँचमा रोक लगाउन निर्देशन दिएको थियो ।
टिकटकमाथि रोक लगाउन निर्देशन दिएको करिब १० महिनापछि आज प्राधिकरणले खुलाउन निर्देशन दिएको छ । १० महिना पहिले तत्कालीन प्रधानमन्त्री प्रचण्डलाई तत्काल टिकटक बन्द गर्न दबाब दिएका थिए ।
त्यसपछि उनले प्रतिबन्ध लगाए र आफू प्रधानमन्त्री बनेपछि केपी शर्मा ओली आफैले प्रतिबन्ध हटाएका छन् । प्रतिबन्धन हटेसँगै टिकटक चल्न थालेको छ ।
© 2025 All right reserved to khabarcnter.com | Site By : Sobij
