२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । नेकपा (एकीकृत समाजवादी) पदाधिकारीका लागि निर्वाचन भएको छ । मंगलबार अपरान्ह ५ बजेदेखि पदाधिकारी छनोटका लागि निर्वाचन भएको हो ।
उक्त निर्वाचनमा महिला उपाध्यक्षमा रामकुमारी झाँक्री पराजित भएकी छन् । उनकी निकटतम प्रतिस्पर्धी जयन्ती राई विजयी भएकी छन् ।
यसैगरी मधेसी उपाध्यक्षमा धर्मनाथ साह निर्वाचित भएका छन् । खुला उपाध्यक्षमा डा.गंगालाल तुलाधर, भानुभक्त जोशी, प्रकाश ज्वाला र जगन्नाथ खतिवडा निर्वाचित भएका छन् ।
उपमहासचिवमा मेटमणि चौधरी, रामकुमार भट्टराई, राजेन्द्र राई र गरिमा शाह निर्वाचित भएका छन् । चौधरीले सबैभन्दा धेरै १५८ मत पाएर विजयी भएका छन् । चार उपमहासचिव पदमा १९ जना प्रतिस्पर्धी थिए ।
सचिवमा दलितबाट गणेशबहादुर विश्वकर्मा, आदिवासी जनजातिबाट बलदेव चौधरी, खुलाबाट शेरबहादुर कुँवर, चन्द्रबहादुर शाही, सोमप्रसाद पाण्डे, सावित्रा कुमारी भुसाल र श्रीनाथ बराल निर्वाचित भएका छन् ।
वरिष्ठ उपाध्यक्षमा राजेन्द्र पाण्डे मंगलबार नै सर्वसम्मत चुनिएका थिए । महिला उपाध्यक्षमा झाँक्रीलाई पराजित गर्ने जयन्ता राईको पार्टीमा चर्चा हुन थालेको छ । किनकि उनी विभिन्न आन्दोलनमा सक्रिय नेतृ हुन् ।
यद्यपि राईले आन्दोलनमा दिएको योग्दानलाई अवमूल्यन गर्न मिल्दैन । तर, राईभन्दा औषत झाँक्री आन्दोलनमा सक्रिय थिइन् । उनी विभिन्न आन्दोलनकै कारण चर्चित बनेकी थिइन् ।
© 2025 All right reserved to khabarcnter.com | Site By : Sobij
