२०८२ माघ १३ गते मंगलवार
२०८२ माघ १३ गते मंगलवार
काठमाडौं । काठमाडौं टुँडिखेलमा आज (सोमबार) गौरापर्व मनाइएको छ । उक्त पर्वमा प्रधानमन्त्री केपी शर्मा ओली, कांग्रेस सभापति शेरबहादुर देउवा, मन्त्रीहरू बद्री पाण्डे, ऐनबहादुर शाही, दामोदर भण्डारी उपस्थित थिए ।
गौरापर्वको अवसरमा आयोजित कार्यक्रममा युवाहरूको एक समूहले प्रधानमन्त्री ओलीविरूद्ध चर्को नाराबाजी गरेका थिए । उनीहरूले ओलीलाई नै लक्षित गर्दै भ्रष्टाचारी मुर्दावाद जस्ता नारा लगाएका थिए ।
त्यसपछि प्रधानमन्त्री ओलीले गौरापर्वमा आयोजित कार्यक्रमलाई सम्बोधन गर्दै नेपाली समाज बहुसांस्कृतिक र शान्तिप्रेमी भएकाले यस समाजलाई बिथोल्ने र भड्काउने प्रयास सफल नहुने बताए ।
त्यसपछि देउवाले कार्यक्रम विथोल्न हो–हल्ला गरेको भन्दै युवाहरूप्रति असन्तुष्टि जनाए । उनले भने, ‘तपाईंहरू जति कराउनुछ कराउनुस्, लाज पनि छैन । गौरा पर्वको कार्यक्रम विथोल्ने ? यही हो नेपालको चलन ? बदमासहरू ।’
© 2026 All right reserved to khabarcnter.com | Site By : Sobij
