२०८२ कार्तिक २० गते बिहिवार
२०८२ कार्तिक २० गते बिहिवार
काठमाडौं । नेकपा (एकीकृत समाजवादी)को महाधिवेशन समापनको दुई महिना पश्चात् केन्द्रीय सदस्यहरूले पद तथा गोपनीयताको शपथ लिएका छन् ।
गत असार १६ देखि २० मा काठमाडौंमा सम्पन्न महाधिवेशनले अध्यक्षमा माधवकुमार नेपाल र महासचिवमा घनश्याम भुसाललाई चयन गरेको थियो । यद्यपि केन्द्रीय सदस्य समितिको विस्तार भने गरिएको थिइन ।
महाधिवेशनले सम्मानित नेता झलनाथ खनालसहित ९३ केन्द्रीय सदस्य चयन गरेको थियो । त्यसयता केन्द्रीय समितिलाई पूर्णता दिन समाजवादीलाई झन्डै २ महिना लाग्यो ।
यस्तोमा समाजवादीले आइतबार मात्रै यसअघि थप गरिएका दुई सय ५१ केन्द्रीय सदस्यलाई शथप गराएको हो । यससँगै समाजवादीको केन्द्रीय समिति ३४४ सदस्यीय भएको छ । समाजवादीको विधानमा २१ जना पदाधिकारी र २९९ सदस्यीय केन्द्रीय कार्य समिति व्यवस्था गरिएको थियो ।
नेताहरूको योगदान तथा कार्यक्षमताका आधारमा पार्टीले युवा, दलित, जनजाति, अल्पसङ्ख्यक, पिछडिएका वर्गलाई पदाधिकारीमा समेट्ने जनाएको छ । पार्टीमा तीन सय ४४ सदस्यीय केन्द्रीय कमिटीमा अहिले अध्यक्ष, सम्मानित नेता र महासचिव गरी तीन पदाधिकारी छन् ।
पार्टीमा वरिष्ठ उपाध्यक्ष, उपाध्यक्ष, उपमहासचिव, कोषाध्यक्षसहित १८ पदाधिकारी रिक्त रहेकाले नेताहरूको योगदान र कार्यक्षमताका आधारमा पदाधिकाी छनोट गरिने भएको छ ।
© 2025 All right reserved to khabarcnter.com | Site By : Sobij
