२०८२ कार्तिक २१ गते शुक्रवार
२०८२ कार्तिक २१ गते शुक्रवार
काठमाडौं । नेकपा (माओवादी केन्द्र)को स्थायी समिति बैठक केहीबेर अघि सुरू भएको छ । गत शुक्रबारदेखि जारी उक्त समितिको बैठक आज पनि बसेको छ ।
पार्टी केन्द्रीय कार्यालय पेरिसडाँडामा निर्धारित समयभन्दा चार घण्टा पछि बैठक सुरू भएको हो । जारी बैठक सोमबार बिहान ११ बजेका लागि बोलाइएको भए पनि शीर्ष नेताहरूको कार्यव्यस्तता देखाउँदै ४ घन्टा पछि सरेको हो ।
बैठकको पहिलो दिन अध्यक्ष पुष्पकमल दाहाल प्रचण्डले वर्तमान राजनीतिक परिस्थिति, विचारको विकास, पार्टी निर्माणलगायतका विषयमा मौखिक प्रस्ताव राखेका थिए ।
बैठकमा उपमहासचिव जनार्दन शर्माले अध्यक्ष प्रचण्डले पार्टी नेतृत्व हस्तान्तरण गर्नुपर्ने लिखित माग राखेका छन् । उक्त मागबारे माओवादी केन्द्रको बैठक पेचिलो बन्दै गएको छ ।
शर्माको लिखित माग पश्चात् पार्टी स्थायी समितिका ४४ सदस्यमध्ये अधिकांशले अध्यक्ष प्रचण्डले नेतृत्व त्याग्नुपर्ने अडान लिएको बैठकमा सहभागी एक स्थायी समिति सदस्यले बताए ।
© 2025 All right reserved to khabarcnter.com | Site By : Sobij
