२०८२ कार्तिक २१ गते शुक्रवार
२०८२ कार्तिक २१ गते शुक्रवार
काठमाडौं । पूर्वप्रधानमन्त्री तथा नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ र भारतीय विदेश सचिव विक्रम मिस्रीबीच भेटवार्ता भएको छ ।
हिजो (आइतबार) प्रचण्ड निवास खुमलटारमा उनीहरूबीच भेटवार्ता भएको हो । भेटवार्ताको क्रममा सचिव मिस्रीले नेपालबाट १० हजार मेगावट बिजुली खरिद गर्नेगरी भएको सम्झौता स्मरण गरेका थिए ।
नेपालको दुई दिने भ्रमणमा आएका भारतीय विदेश सचिव मिस्री प्रचण्डलाई भेट्न खुमलटार पुगेका थिए ।
उक्त भेटमा प्रचण्ड प्रधानमन्त्री हुँदा भएको विद्युत् खरिद–बिक्री गर्ने सम्झौता ऐतिहासिक भएको भारतीय विदेश सचिवले बताएका थिए ।
२०८० जेठ १७ प्रचण्डको भारत भ्रमणका क्रममा नेपालले आगामी १० बर्षमा १० हजार मेगावट बिजुली बेच्ने सम्झौता भएको थियो ।
भारतीय विदेश सचिवले नेपालबाट भारत जाने विद्युत् चाँडै १ हजार मेगावट पुग्ने समेत जानकारी दिएका थिए ।
यद्यपि यता प्रचण्ड–मिस्रीको घेटवार्तालाई लिएर राजनीतिक वृत्तमा हलचल मच्चिएको छ ।
एक डेढ महिना पहिले माओवादी केन्द्रसँगको सत्ता गठबन्धन तोडेर कांग्रेससँग सत्ता सहकार्य गरेको एमालेले उनीहरूको भेटलाई झनै शंकाको दृष्टिले हेरेको चर्चा छ ।
कांग्रेस–एमालेले यसलाई भयको रूपमा लिएका छन् । किनकि नेपालको तरल राजनीतिमा भारतीय नेता वा उच्च पदस्थ कर्मचारीकै कारण सत्तापलट हुने खतरा प्रवल हुन्छ ।
उनीहरूको भेटवार्तालाई कांग्रेस–एमालेले सत्ता गठबन्धनमा हलचल आउने त होइन भन्दै नजर अन्दाज गरेका छन् ।
© 2025 All right reserved to khabarcnter.com | Site By : Sobij
