२०८२ कार्तिक २१ गते शुक्रवार
२०८२ कार्तिक २१ गते शुक्रवार
काठमाडौं । नेकपा (माओवादी केन्द्र)को स्थायी समिति बैठक शुक्रबारदेखि जारी छ ।
आज (सोमबार) पनि उक्त समितिको बैठक बस्दैछ ।
बैठक बिहान ११ बजेबाट पार्टी केन्द्रीय कार्यालय पेरिसडाँडामा बस्ने माओवादी केन्द्रका उपाध्यक्ष एवं प्रवक्ता अग्निप्रसाद सापकोटाले जानकारी दिए ।
सोपकोटाका अनुसार बैठकमा स्थायी समिति सदस्यहरूले आ–आफ्नो धारणा राख्नेक्रम आज पनि जारी रहने छ ।
हिजो (आइतबार) १४ जना स्थायी समिति सदस्यले आफ्नो धारणा राखिसकेका छन् ।
हिजो पार्टी उपमहासचिव जनार्दन शर्माले स्थायी समितिमा लिखित धारणा राखेका थिए ।
उनले आफ्नो लिखित धारणामार्फत अध्यक्ष पुष्पकमल दाहाल ‘प्रचण्ड’ लाई नेतृत्व हस्तान्तरण गरेर सम्मानजनक बहिर्गमनको बाटो रोज्न सुझाएका थिए ।
त्यस्तै अर्का उपमहासचिव वर्षमान पुनले पनि प्रचण्डले नेतृत्व हस्तान्तरण गर्नुपर्ने सुझाव दिएका छन् ।
उनले हिजो पार्टी स्थायी समिति बैठकको समापन पश्चात् सञ्चारकर्मीसँग बोल्दै प्रचण्डले नेतृत्व हस्तान्तरण गर्नुपर्नेमा जोडदिए ।
माओवादी केन्द्रको स्थायी समिति ४४ सदस्यीय छ ।
© 2025 All right reserved to khabarcnter.com | Site By : Sobij
