२०८२ माघ १३ गते मंगलवार
२०८२ माघ १३ गते मंगलवार
काठमाडौं । बागमती प्रदेशको मुख्यमन्त्री डोरमणि पौडेलविरुद्ध अविश्वासको प्रस्तावमा हस्ताक्षर गर्ने एमाले सांसदहरुले नाम फिर्ता लिएका छन् ।
एमालेका २३ सांसदले प्रस्ताव फिर्ता लिएपछि उनको पद जोगिएको हो । नेकपा एमालेको माधव नेपाल पक्षधर प्रदेशसभा सदस्यहरुले वागमती प्रदेशका मुख्यमन्त्री डोरमणि पौडेलविरुद्धको अविश्वास प्रस्ताव फिर्ता लिएका हुन् ।
अविश्वास प्रस्तावका हस्ताक्षरकर्ता मध्येका एक सांसद कुसुम कार्कीले अविश्वको प्रस्ताव फिर्ता लिएको बताए । उनले भने ‘ हामी एमाले भएर एमालेको मुख्यमन्त्रीविरुद्ध अविश्वाको प्रस्ताव ल्याउनु कानुनी,र नैतिक हिसाबमा उचित नभएकोले फिर्ता लिएको हो’ उनले पछिल्लो विकसित परिस्थितिका कारण एमाले एउटै भएकाले मुख्यमन्त्रीविरुद्धको अविश्वास प्रस्ताव फिर्ता लिइएको बताए ।
साबिक नेकपाको प्रचण्ड–माधव पक्षका ४५ सांसदले पौडेलविरुद्ध अविश्वास प्रस्तावमा हस्ताक्षर गरेका थिए । तीमध्ये २३ जना माधव नेपाल पक्षका हुन् ।
पौडेलविरुद्ध पुस १० गते अविश्वास प्रस्ताव दर्ता गरि मुख्यमन्त्रीमा अष्टलक्ष्मी शाक्यलाई प्रस्तावित गरिएको थियो । यसैबीच मुख्यमन्त्री डोरमणि पौडेलले आज बोलाएको दलको बैठकमा माधव नेपाल पक्षका सांसदहरु पनि सहभागी हुने भएका छन् । बैठक बुधबार ३ बजेका लागि बोलाइएको छ।
© 2026 All right reserved to khabarcnter.com | Site By : Sobij
