२०८२ माघ १३ गते मंगलवार
२०८२ माघ १३ गते मंगलवार
काठमाडौं । नेकपा एमालेका नेता माधवकुमार नेपाल र झलनाथ खनालले माओवादी केन्द्रका अध्यक्ष पुष्पकमल दाहाल प्रचण्डसँग गोप्य भेटवार्ता गरेका छन्।
शुक्रबार बिहान कोटेश्वर स्थित महादेवस्थानमा रहेको एक व्यवसायीको घरमा खनाल–नेपाल र प्रचण्डबीच गोप्य वार्ता भएको श्रोतले बतायो। तीनजना नेताहरुबीच बिहान साढे ८ बजेदेखि पौने १० बजेसम्म भेटवार्ता भएको हो।
एमालेका अध्यक्ष एवं प्रधानमन्त्री केपी शर्मा ओलीले पार्टी विधान विपरीत निर्णयहरु गरेर आफहरुलाई गलहत्याउने कोशिश गरेको निष्कर्ष निकालेका नेपाल र खनालले प्रचण्डलाई भेटेका हुन्।
ओलीले भने नेकपा एमालेमा आइसकेपछि पनि उनीहरुले प्रचण्डसँगको भेटलाई निरन्तरता दिनु शंकास्पद रहेको बताउँदै आएका छन्। नेता नेपालसहित चार जना नेताले ओलीले आफूहरुलाई सोधेको स्पष्टीकरण विधान विपरीत भएको निष्कर्ष निकाल्दै त्यसको जबाफ नदिई बरु उल्टै दर्जनौ प्रश्नसहित ओलीलाई स्पष्टीकरण सोधेका छन्।
नेपाल र खनाल पक्षले आज आफू पक्षीय केन्द्रीय कमिटी बैठक बोलाएको छ। उता ओलीले संसदीय दलको बैठक आफ्नो सरकारी निवास बालुवाटार बोलाएका त्यहाँ सहभागि नहुने नेता नेपालले बताइसकेका छन्।
संसदीय दलको बैठकमा नेपाल नगएपनि उनी पक्षीय अन्य सांसदहरु भने जाने भएका छन्। फागुन २३ गते सर्वोच्च अदालतले विवादै विवादका कारण फुटको संघारमा पुगेको नेकपा भंग गरेर नेकपा एमाले र नेकपा माओवादी केन्द्र ब्यूँताइदिएको थियो।
सर्वोच्च अदालतको फैसलासँगै नेपाल र खनालले प्रचण्डलाई त्यागेर ओलीविरुद्ध पार्टीभित्रै संघर्ष गर्ने भन्दै एमालेमै फर्किएका थिए।
© 2026 All right reserved to khabarcnter.com | Site By : Sobij
