२०८२ आश्विन २६ गते आइतवार
२०८२ आश्विन २६ गते आइतवार
काठमाडौं । सानिमा रिलायन्स लाइफ इन्स्योरेन्सले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ ।
यो वर्षको पहिलो त्रैमासमा कम्पनीको नाफा १२८.३८ प्रतिशतले वृद्धि हुँदै ११ करोड ८ लाख पुगेको देखिन्छ। गत आर्थिक वर्षको सोही अवधिमा नाफा ४ करोड ८५ लाख रुपैयाँ मात्र थियो ।
प्रकाशित तथ्यांक अनुसार ३ महिनाको अवधिमा कम्पनीले १ अर्ब ५१ करोड कुल बीमा शुल्क आर्जन गरेको छ । कुल बीमा शुल्क आर्जनबाट कम्पनीले ८ करोड २७ लाख रुपैयाँ पुनर्बीमामा खर्चिएको छ भने १ अर्ब ४३ करोड खुद बीमा शुल्क आर्जन गरेको छ । कुल बीमा शुल्क आर्जन १६०.१६ प्रतिशतले वृद्धि भएको देखिन्छ।
त्यस्तै कम्पनीले अभिकर्ता कमिशन अन्तर्गत यो आर्थिक वर्षको तीन महिनाको अवधिमा १५ करोड १२ लाख खर्च गरेको छ । गत आर्थिक वर्षको पहिलो त्रैमासमा भने कम्पनीले ७ करोड २० लाख खर्च गरेको थियो ।
४ अर्ब १८ करोड चुक्ता पुँजी भएको कम्पनीले संचित मुनाफामा ८२ करोड ४६ लाख संचित गरेको छ । जीवन बीमा कोष असार मसान्तको तुलनामा ८.३१ प्रतिशतले वृद्धि हुँदै ११ अर्ब ८२ करोड पुगेको छ।अघिल्लो आ.व. को असार मसान्तमा जीवन बीमा कोष १० अर्ब ९१ करोड थियो ।
© 2025 All right reserved to khabarcnter.com | Site By : Sobij
