२०८२ भाद्र ९ गते सोमवार
२०८२ भाद्र ९ गते सोमवार
काठमाडौँ । जनमत पार्टीको राष्ट्रिय परिषदको बैठक बसिरहेको छ । बुद्धनगरको एक पाटी प्यालेसमा परिषद्को बैठक चलिरहेको हो । मिसन ८४ अन्तर्गत बैठक बोलाएको सो पार्टीका एक नेताले बताएका छन् । बैठकमा पार्टी अध्यक्ष सिके राउतले प्रशिक्षण दिने र नेताहरुबाट राय सुझाव लिइने बताइएको छ ।
मिसन ८४ अन्तर्गत जनमत पार्टीले विभिन्न तहमा छलफल तथा प्रशिक्षण चलाइरहेको छ । वडा तहदेखि प्रशिक्षण सुरु गरेको सो पार्टीले जिल्ला इन्चार्ज, प्रतिनिधिसभा तथा प्रदेशसभा, मधेश प्रदेश समितिको प्रशिक्षण सम्पन्न गरिसकेको छ । बिहीबार केन्द्रीय समितिको बैठक बोलाइएको छ ।
केन्द्रीय समिति बैठकमा प्रशिक्षण दिनुका साथै नयाँ केन्द्रीय सदस्यहरुको परिचयात्मक कार्यक्रम हुने बताइएको छ ।
© 2025 All right reserved to khabarcnter.com | Site By : Sobij
