२०८२ भाद्र ३ गते मंगलवार
२०८२ भाद्र ३ गते मंगलवार
महोत्तरी — महोत्तरीको अजमरपट्टीबाट अवैध गाँजासहित दुई जना पक्राउ परेका छन् । एकडारा गाँउपालिका-३ स्थित अजमरपट्टीमा गस्ती गरीरहेको प्रहरीले चेक गर्ने क्रममा प्रदेश ३-००१ क ०२६९ नम्बरको ट्रकबाट १ सय केजी गाँजा फेला परेको महोत्तरीका प्रहरी नायब उपरीक्षक दिलीपकुमार गिरीले जानकारी दिए ।
ट्रकमा लुकाइछिपाइ गाँजा राखेको आरोपमा प्रहरीले चालक र सहचालक दुवैलाई पक्राउ गरेको छ । पक्राउ पर्नेमा ट्रक चालक मकवानपुर भीमफेदी गाँउपालिका-१ का २९ वर्षीय रुपेश गोले र सहचालक सोही ठाउँका २६ वर्षका अनिल पाख्रिन रहेका प्रहरीले जनाएको छ ।
ट्रक र पक्राउ परेका दुवैलाई जिल्ला अदालत महोत्तरीबाट म्याद थप गरी थप अनुसन्धानका लागि जिल्ला प्रहरी कार्यालय महोत्तरीको नियन्त्रणमा राखिएको गिरीले जानकारी दिए ।
© 2025 All right reserved to khabarcnter.com | Site By : Sobij
