२०८२ भाद्र १५ गते आइतवार
२०८२ भाद्र १५ गते आइतवार
बैतडीको १७ वर्षीया किशोरी भागरथी भट्टको बलात्कार पछि हत्या भएको घटनामा एक जना शंकास्पद व्यक्ति पक्राउ परेको प्रहरीले बताएको छ ।
जिल्ला प्रहरी कार्यालय, बैतडीका एक अधिकृतले बताएअनुसार घटनामा उनको संलग्नता देखिने केही आधार भेटिएको छ । ‘वस्तुस्थितिले संकेत गरेपनि उनले अभियोग स्वीकार गरेका छैनन्’, स्रोतले भन्यो, ‘त्यही कारण तत्काललाई यो विषयलाई सार्वजनिक नगरिएको हो ।’
बैतडी प्रहरी स्रोतका अनुसार उनी सार्वजनिक पदमा रहेका व्यक्ति हुन् र कञ्चनपुरबाट समातेर बैतडी ल्याइएको थियो । उनको शारीरको विभिन्न भागमा चिथोरिएको जस्तो चोट देखिएको छ । तर उनले रुखबाट लडेर घाउ भएको दाबी गरेका छन् । चिकित्सकले भने रुखबाट लडेको जस्तो नदेखिने बताएका छन् ।
स्रोतका अनुसार उनी २१ माघमा अपराधस्थल वरपरी देखिएका थिए । जिल्ला अस्पताल, बैतडीमा गरिएको पोष्टमार्टमको प्रतिवेदन र प्रहरीको म्यानुअल अनुसन्धानको अनुमान अनुसार भट्टको हत्या २ देखि ३ बजेको बीचमा भएको हो । उनी चार बजेतिर त्यसक्षेत्रमा देखिएको बैतडी प्रहरीका एक कनिष्ठ अधिकारीले बताए । भागरथी हत्या प्रकरणपछि भने उनी भारततिर भाग्न खोजेको प्रहरीको आशंका छ ।
© 2025 All right reserved to khabarcnter.com | Site By : Sobij
