२०८२ भाद्र १६ गते सोमवार
२०८२ भाद्र १६ गते सोमवार
काठमाडौं । बाढी पहिरोका कारण अवरुद्ध ८ सडक सरकारले तत्काल खुलाउने भएको छ । कार्यवाहक प्रधानमन्त्री एवम् सहरी विकासमन्त्री प्रकाशमान सिंहले बाढी पहिरोका कारण अवरुद्ध बनेका सडक खुलाएर तत्काल आवतजावत सहज बनाउन निर्देशन दिएका हुन् ।
आज सहरी विकास मन्त्रालयमा कार्यवाहक प्रधानमन्त्री सिंहको अध्यक्षतामा बसेको बैठकमा उनले सडक अवरुद्ध हुँदा नागरिकलाई समस्या हुने भन्दै तत्कालै समस्या आएका ठाउँमा समाधान गर्नेगरी काम गर्नुपर्ने बताएका छन् ।
बैठकमा गृहमन्त्रालय अन्तर्गतको विपद् पूर्वतयारी प्रतिकार्य शाखाले वर्षाका कारण अवरुद्ध हुन पुगेका सडकहरूबारे तयार गरेको विवरण कार्यवाहक प्रधानमन्त्री सिंहलाई जानकारी गराइएको थियो ।
हाल पासाङल्हामु राजमार्ग अन्तर्गत रसुवा गोसाईंकुण्ड गाउँपालिका २ टिमुरे, अरनिको राजमार्गअन्तर्गत भोटेकोसी गाउँपालिका-२ कोदारी र घट्टेखोला, बेनि जोमसोम सडक खण्ड अन्तर्गत रघुगंगा गाउँपालिका दुई खोलीमा सडक अवरुद्ध रहेका छन् ।
यसैगरी, घोराही थवाङ सहिद मार्गअन्तर्गत त्रिवेणी गाउँपालिका, भेरी करिडोर अन्तर्गत त्रिपुरा सुन्दरी नगरपालिका छलघाट, कर्णाली राजमार्ग अन्तर्गत शुभकालीन गाउँपालिका र भेरी करिडोर अन्तर्गत आठविसकोट नगरपालिकामा सडक अवरुद्ध रहेका छन् ।
© 2025 All right reserved to khabarcnter.com | Site By : Sobij
