२०८२ भाद्र १५ गते आइतवार
२०८२ भाद्र १५ गते आइतवार
काठमाडौं । वाणिज्य आपूर्ति तथा उपभोक्ता संरक्षण विभाग बबरमहल, काठमाडौंका नायब सुब्बा र लेखापढी घुससहित पक्राउ परेका छन्।
अख्तियार दुरूपयोग अनुसन्धान आयोग, टंगालको टोलीले विभागका नायब सुब्बा नरेन्द्र चन्द र लेखापढीको काम गर्ने रामबाबु दाहाललाई ८ हजार घुससहित पक्राउ गरेको हो ।
अख्तियारका प्रवक्ता नारायण प्रसाद रिसालका अनुसार उनीहरू दुबै जनालाई विभाग परिसरबाट आइतबार नियन्त्रणमा लिएको हो ।
नासु नरेन्द्र चन्दले सेवाग्राहीलाई सेयर पुँजी बढाएको प्रमाण पत्र लिन लेखापढी रामबाबु दाहाललाई भेट्न भनेका थिए।त्यसक्रममा उनले कर्मचारीहरूमा समेत मिलाउनु पर्छ भन्दै घुस मागेका थिए ।
घुस मागेको भन्ने सूचनाको आधारमा टंगालबाट खटिएको टोलीले उनीहरूलाई नियन्त्रणमा लिएको हो । उनीहरूमाथि अख्तियारले थप अनुसन्धान गरिरहेको छ ।
© 2025 All right reserved to khabarcnter.com | Site By : Sobij
