२०८२ भाद्र १४ गते शनिवार
२०८२ भाद्र १४ गते शनिवार
काठमाडौं । नायीका श्वेता खड्का सामाजिक काममा पनि उत्तिकै सकृय छन् । उनले सिन्धुपाल्चोकमा माझी समुदायका लागि सामुहिक बस्ती निर्माण गरिरहेकी छन् । तर सो वस्ती निर्माणको काम अझै सकिएको छैन । उनले सामाजिक सञ्जालमा एक स्टाटस लेख्दै आफुलाई माझी बस्ती बनाउन आर्थिक सहयोग गर्छु भनेर आश्वासन दिएकाहरुले धोका दिएको बताएकी छन् ।
नायिका श्वेता खड्काले सन् २०७४ मै सिन्धुपाल्चोकमा एकीकृत माझी बस्ती निर्माण गर्ने घोषणा गरेकी थिइन्। त्यसका लागि उनले सामाजिक सञ्जाल मार्फत अभियान चलाइन् । देश विदेश गएर आर्थिक संकलनको काम गरिन् । केही दाताहरुले उनलाई सहयोग गर्ने बाचा गरे । तर त्यसरी बाचा गरेकाहरुले धोका दिएका कारण आफ्नो अभियान सफल हुन नसकेको उनको भनाई छ ।
स्वेता श्री फाउण्डेसनको तर्फबाट माझी बस्ती बनाउने घोषणा भएको थियो। तर हालसम्म पनि उक्त माझी बस्तीको निर्माण सम्पन्न भएको छैन। मंगलबार श्वेता खड्काले सिन्धुपाल्चोकको निर्माणाधीन माझी बस्ती ऋणमा रहेको जानकारी दिएकी छिन् । उनले यस बस्ती निर्माण सम्पन्न गर्न सहयोगको अपिलसमेत गरेकी छिन् ।
धुर्मुस सुन्तली फाउन्डेसनले निर्माण गरिरहेको गौतमवुद्ध क्रिकेट रंगशालाको जस्तै अवस्था सिन्धुपाल्चोकको माझी बस्तीको भएको उनको भनाइ रहेको छ । उनले सहयोग गर्छु भन्नेले सहयोग नगरेपछि बस्तीको निर्माण कार्य अलपत्र परेको गुनासो गरेकी हुन् ।
यस्तो छ उनको स्टाटस :
© 2025 All right reserved to khabarcnter.com | Site By : Sobij
