२०८२ पौष ८ गते मंगलवार
२०८२ पौष ८ गते मंगलवार
वाणिज्य बैंकहरुले चार महिनाअघि तोकेको ब्याजदरलाई असारमा पनि निरन्तरता दिने भएका छन् । नेपाल बैंकर्स संघले आर्थिक वर्षको अन्तिम महिना असारमा ब्याजदर नबढाउने निर्णय गरेको हो ।
अहिले ‘क’ वर्गका बाणिज्य बैंकहरुले साधारण मुद्दतिलाई ११.०३ प्रतिशत, संस्थापकलाई १०.०३ प्रतिशत र रेमिट्यान्सलाई १२.०३ प्रतिशत ब्याज दिँदै आएका छन् ।
सरकारले आगामी बजेट संसदमा प्रस्तुत गरिसकेपछि नेपाल राष्ट्र बैंकले मौद्रिक नीतिको तयारी गरिसकेको छ । नयाँ मौद्रिक नीतिपछि निर्णय लिन सहज हुने भएकोले पनि बैंकर्स संघले असारमा नयाँ ब्याजदर नतोकेको हो ।
तर, कर्जाको ब्याजदर भने निरन्तर बढिरहेकै छ । र, असारमा पनि कर्जाको ब्याजदर बढ्ने बैंकरहरुले बताएका छन् । विशेषगरी नयाँ कर्जा लिनेहरु महंगो ब्याजदरमा पर्नेछन् ।
नयाँ निक्षेप लिँदा र पुरानो निक्षेप नविकरण गर्दा तुलनात्मक रुपमा ब्याजदर चर्को पर्ने भएपछि कर्जाको पनि ब्याजदर बढ्ने भएको हो । पछिल्लो समय कर्जाको ब्याजदर बढेर बाणिज्य बैंककै १६/१७ प्रतिशत पुगिसकेको छ ।
© 2025 All right reserved to khabarcnter.com | Site By : Sobij
