२०८२ भाद्र २७ गते शुक्रवार
२०८२ भाद्र २७ गते शुक्रवार
त्रिभुवन विश्वविद्यालय (त्रिवि) को कानुन विषयको प्रश्नपत्र निर्माणमा चरम लापरबाही भएको पाइएको छ । प्रश्न निर्माण गर्ने र त्यसलाई अन्तिम रूप दिने शिक्षक प्राध्यापकहरुले ध्यान नदिँदा १०० पुर्णाङ्कको पाठ्यक्रममा ५० पुर्णाङ्ककि मात्रै प्रश्नपत्र बनेको हो।
बिश्वबिद्धालय परीक्षा नियन्त्रण कार्यालयले आइतबार एलएलबी (LLB) प्रथम वर्षको ल अफ कन्ट्र्याक्ट’ (३०५) विषयको पाठ्यक्रमअनुसार यो विषयको परिक्षा १०० पुर्णाङ्कमा र समय तीन घण्टा दिनुपर्ने तर परीक्षार्थीलाई वितरण गरिएको प्रश्नपत्रमा ५० पूर्णाङ्क र समय पनि डेढ घण्टा मात्रै लेखिएको छ ।
प्रश्नपत्रमा सातवटा प्रश्न सोधिएको छ तर तीनवटा मात्रै हल गर्न भनिएको छ । पूर्णाङ्क ५० लेखिए पनि उत्तीर्णाङ्क तोकिएको छैन ।प्रश्नपत्रमा समस्या देखेपछि प्रदर्शनीमार्गस्थित रत्न राज्यलक्ष्मी क्याम्पस केन्द्रबाट परीक्षा दिएका परीक्षार्थीहरूले विरोध गरेका थिए ।
क्याम्पसका एक प्राध्यापकका अनुसार केही परीक्षार्थीले प्रश्नपत्र च्यात्दै अरूलाई पनि परीक्षा नदिन हौस्याएका थिए । तर तत्काल क्याम्पस प्रशासनले त्यसो नगर्न अनुरोध गर्दै यसबारे परीक्षा नियन्त्रण कार्यालयमा जानकारी गराएको थियो ।
पनिकाले पनि तत्कालै परीक्षा स्थगित गर्नुको सट्टा प्रश्नपत्रमा सोधिएका सातवटामध्ये पाँचवटा प्रश्नको समाधान गर्न लगाउने र परीक्षार्थीले चाहेको अवस्थामा तीन घण्टा नै समय उपलब्ध गराउन सम्बन्धित परीक्षा केन्द्रलाई निर्देशन दिएको थियो । (गोरखापत्र दैनिकबाट)
© 2025 All right reserved to khabarcnter.com | Site By : Sobij
