२०८२ भाद्र २ गते सोमवार
२०८२ भाद्र २ गते सोमवार
राष्ट्रियताको नाउँमा
अब त ए हजुर
राष्ट्रिय गान मात्र
केवल बाँकी छ !
जति बलात्कार भए पनि
सहन सक्ने नेपाल आमाको
मात्र केवल छाती छ !
नेपाल आमाको छाती
चुसेर बलात्कार गर्नेहरु
जहिले पनि किन होला
एक कदम माथि छन् !
दुबै नेत्रहरु गुमाएर पनि
किन होला आजभोलि
चर्म चक्षुले मात्र देख्ने
नेपाल आमाको बानी छन् !
जोसमा होस
गुमाउनेहरु त
केवल हिजोआज
बुद्धिजीवी मै मात्र हु
भन्ने सम्म नै भएका छन् !
हिजोसम्म खाली खुट्टा
हिड्नेहरु त आजभोलि
पजेरो गाडीहरू मात्रै
चढ्ने पो भएका छन् !
दृष्टि गुमाएर हिड्नेहरु त
किन होला हिजोआज
जेट गाडीको पाइलट
मै हु भन्ने सम्म भएका छन् !
कालोलाई गोरो भन्नेहरु
मात्र किन होला
आजभोलि
मै मात्र हु
सत्य बोल्ने युधिष्ठिर
भन्न थालेका छन् !
गाई नहुनेहरुले
अर्काको गाई पालेका छ्न
किन होला अर्काको गाईलाई
घाँस हालेका छन् !
आफ्नो ठेकी नहुनेहरुले
मही पार्न थालेका छ्न
मही मात्र पार्ने
घिउ ननिकाल्ने वाचा गरेका छन् !
© 2025 All right reserved to khabarcnter.com | Site By : Sobij
