२०८२ माघ १५ गते बिहिवार
२०८२ माघ १५ गते बिहिवार
ललितपुरको च्यासलस्थित नेकपा एमालेको स्थायी कमिटी बैठक सुरु भएको छ । तुलसी प्रतिष्ठानको कार्यालयमा बैठक सुरु भएको हो ।
आजको बैठकमा मुख्य तीन एजेण्डामाथि छलफल हुने नेकपा एमालेका केन्द्रीय कार्यालय सचिव शेरबहादुर तामाङले जानकारी दिए । बैठकमा वरिष्ठ नेता झलनाथ खनाल र नेता माधवकुमार नेपाल पक्षबाट भने कोही पनि सहभागी भएको छैन ।
उनका अनुसार पार्टी एकताका लागि गठित कार्यदलले तयार पारेको १० बुँदे सहमतिमाथि मुख्य छलफल हुनेछ । त्यस्तै, सर्वोच्चको फैसलापछि पुनःस्थापना भएको प्रतिनिधिसभामा अब एमाले कसरी प्रस्तुत हुने र एमालेको भूमिका के हुने भन्ने विषयमा छलफल हुनेछ ।
यस्तै अर्को पार्टी एकता, संगठन परिचालन र संघर्षलाई कसरी अघि लैजाने भन्ने विषयमा पनि छलफल केन्द्रित हुने तामाङले जानकारी दिए ।
सरकारबाट बाहिरिएपछि एमाले स्थायी कमिटी बैठक पहिलो हो । यसअघि पार्टीका बैठक अधिकांश प्रधानमन्त्री निवास बालुवाटारमा हुने गरेका थिए ।
© 2026 All right reserved to khabarcnter.com | Site By : Sobij
