२०८३ कार्तिक १९ गते बिहिवार
२०८३ कार्तिक १९ गते बिहिवार
.gif)
काठमाडौं । कास्कीको पोखरामा स्कुटरको ठक्करबाट घाइते पैदलयात्रीको मृत्यु भएको छ । मृत्यु हुनेमा उदयपुरको रौतामाई गाउँपालिका–७ घर भई हाल पोखरा महानगरपालिका–३२, मझुवा बस्दै आएका ५४ वर्षीय विष्णु आले छन् ।
गत कात्तिक १४ गते साँझ पोखरा–३२, धर्मकाटास्थित पृथ्वी राजमार्गमा पैदलयात्रा गर्दै गरेका आलेलाई ग १२ प ५८२५ नम्बरको स्कुटरले ठक्कर दिएको थियो ।
दुर्घटनामा गम्भीर घाइते भएका आलेलाई उपचारका लागि पश्चिमाञ्चल क्षेत्रीय अस्पताल लगिएको थियो । उपचारका क्रममा चिकित्सकले बुधबार मृत घोषणा गरेका हुन् ।
दुर्घटनामा स्कुटर चालक तनहुँको शुक्लागण्डकी नगरपालिका–४, दुलेगौँडाकी २८ वर्षीया सृष्टि तिमिल्सिना घाइते भएकी छन् । उनको उपचार भइरहेको छ ।
© 2026 All right reserved to khabarcnter.com | Site By : Sobij
