२०८३ कार्तिक १९ गते बिहिवार
२०८३ कार्तिक १९ गते बिहिवार
.gif)
काठमाडौं । सर्वोच्च अदालतका चार न्यायधीशविरुद्ध १३ उजुरी परेका छन् । संसदीय सुनुवाइ समितिका सचिव तुलबहादुर कँडेलले १३ उजुरी परेका जानकारी दिए ।
सर्वोच्चको न्यायाधीशमा सिफारिस भएका उच्च अदालतका मुख्य न्यायाधीश रत्नबहादुर बागचन्द, न्यायाधीशहरू चन्द्रबहादुर सारू, जनक पाण्डे र गोकर्ण डाँगीविरुद्ध यही कात्तिक ९ गते १० दिनको समय दिएर उजुरी आह्वान गरिएको थियो । उनीहरूविरुद्धका केही उजुरी सामूहिक खालका छन् । केही व्यक्तिगत उजुरी छन् ।
ती उजुरी खोल्नका निम्ति बिहीबार (आज) समितिको बैठक आह्वान गरिएको छ । दिउँसो २ बजे बस्ने बैठकमा उजुरी खोल्ने र समितिका सदस्यलाई वितरण गर्ने कार्यसूची छ ।
उजुरीसँगै प्रस्तावित न्यायाधीशको कार्ययोजना पनि वितरण गरिनेछ । उनीहरूको सुनुवाइ भने तिहार बिदापछि मात्र गर्ने तयारी छ ।
© 2026 All right reserved to khabarcnter.com | Site By : Sobij
