२०८३ कार्तिक १९ गते बिहिवार
२०८३ कार्तिक १९ गते बिहिवार
.gif)
काठमाडौं । श्रम संस्कृति पार्टीका अध्यक्ष हर्क साम्पाङले प्रहरी महानिरीक्षक (आइजीपी) दानबहादुर कार्कीलाई पदबाट हटाउने सरकारको निर्णयमाथि प्रश्न उठाएका छन् ।
साम्पाङले सामाजिक सञ्जालमार्फत आइजीपीको बर्खास्तीले प्रहरी संगठनको मनोबलमा कस्तो प्रभाव पार्यो भन्दै सरकारसँग जवाफ मागेका हुन् ।
उनले आइजीपी नियुक्तिमा बिचौलियाको भूमिका रहेको थियो कि थिएन भन्ने प्रश्नसमेत उठाएका छन् । साम्पाङले लेखेका छन्, ‘आइजीपीको बर्खास्तीले प्रहरीको मनोबल बढायो कि घटायो ? यो आइजीको नियुक्तिमा बिचौलियाले काम गर्यो कि गरेन ?’
सरकारले दानबहादुर कार्कीलाई प्रहरी महानिरीक्षकबाट हटाएर मनोज केसीलाई नयाँ आइजीपी नियुक्त गरेपछि उक्त निर्णयलाई लिएर विभिन्न क्षेत्रबाट प्रतिक्रिया आइरहेका छन् ।
सरकारको निर्णय र प्रहरी नेतृत्व परिवर्तनको विषयमा साम्पाङले सार्वजनिक रूपमा प्रश्न उठाएका हुन् ।
© 2026 All right reserved to khabarcnter.com | Site By : Sobij
