२०८३ कार्तिक १९ गते बिहिवार
२०८३ कार्तिक १९ गते बिहिवार
.gif)
काठमाडौं । भारतीय विदेश सचिव विक्रम मिस्रीले आज परराष्ट्र मन्त्री शिशिर खनाल र अर्थमन्त्री डा.स्वर्णिम वाग्लेसँग भेटवार्ता गर्ने भएका छन् । उनी दुई दिवसीय भ्रमणका क्रममा आज नेपाल आइपुगेका छन् ।
मङ्सिरको पहिलो हप्तादेखि हुन लागेको प्रधानमन्त्री बालेन शाहको भारत भ्रमणको तयारीका लागि मिस्री नेपाल आएका हुन् । विदेश सचिव मिस्रीले अहिले ११ बजे परराष्ट्र मन्त्री खनालसँग भेटघाट गर्ने कार्यक्रम रहेको छ । त्यसलगत्तै उनले परराष्ट्र सचिव अमृतबहादुर राईसँग पनि भेटवार्ता गर्ने परराष्ट्र मन्त्रालयले जनाएको छ ।
सचिव राईसँग भेटघाट सकिएपछि अर्थमन्त्री वाग्लेसँग भेटघाट गर्ने कार्यक्रम रहेको बताइएको छ । आजै उनले भौतिक पूर्वाधारमन्त्रीसँग पनि भेटघाट गर्ने कार्यक्रम रहेको छ ।
प्रधानमन्त्री बालेन्द्र शाहसँग भोलि भेटघाट हुने स्रोतले जनाएको छ । भारतीय सचिव मिस्री भोलि दिउँसो स्वदेश फर्किनुअघि प्रधानमन्त्री वालेनसँग भेट्ने कार्यक्रम रहेको बताइएको छ ।
© 2026 All right reserved to khabarcnter.com | Site By : Sobij
