२०८३ भाद्र ३१ गते बुधवार
२०८३ भाद्र ३१ गते बुधवार
.gif)
काठमाडौं । नेपाली कांग्रेसले आगामी निर्वाचनका लागि निर्वाचन निर्देशिका जारी गरेको छ। पार्टीको केन्द्रीय कार्यसम्पादन समितिबाट स्वीकृत निर्देशिकामा विभिन्न तहका नेतृत्वमा उम्मेदवारी दिँदा बुझाउनुपर्ने शुल्क र आवश्यक प्रस्तावक–समर्थकको संख्या तोकिएको छ।
निर्देशिकाअनुसार कांग्रेसको केन्द्रीय सभापतिमा उम्मेदवारी दिन ४० हजार रुपैयाँ शुल्क बुझाउनुपर्नेछ। सभापतिका उम्मेदवारलाई १० जना महाधिवेशन प्रतिनिधि प्रस्तावक र १० जना समर्थक आवश्यक पर्ने व्यवस्था गरिएको छ।
त्यस्तै, केन्द्रीय उपसभापति र महामन्त्रीका उम्मेदवारका लागि ३० हजार रुपैयाँ, सहमहामन्त्रीका लागि २० हजार र केन्द्रीय सदस्यका लागि ११ हजार रुपैयाँ शुल्क तोकिएको छ। उपसभापति र महामन्त्रीका लागि सात जना प्रस्तावक र सात जना समर्थक, सहमहामन्त्रीका लागि पाँच–पाँच तथा केन्द्रीय सदस्यका लागि तीन–तीन जना प्रस्तावक र समर्थक आवश्यक पर्नेछ।
प्रदेश तहमा सभापतिका लागि २० हजार रुपैयाँ, उपसभापति र महामन्त्रीका लागि १५ हजार, सहमहामन्त्रीका लागि १० हजार तथा प्रदेश सदस्यका लागि ५ हजार रुपैयाँ उम्मेदवारी शुल्क तोकिएको छ।
कांग्रेसले वडा तहदेखि केन्द्रीय तहसम्मका विभिन्न पदमा उम्मेदवारीसम्बन्धी प्रक्रिया र शुल्क निर्देशिकामार्फत स्पष्ट गरेको जनाएको छ।
© 2026 All right reserved to khabarcnter.com | Site By : Sobij
