२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । ब्रिक्स शिखर सम्मेलनको आज अन्तिम दिन सदस्य राष्ट्रका नेताहरू तथा आमन्त्रित देशका प्रमुखहरूको सहभागितामा खुला बैठक बस्दैछ।
बैठकमा ब्रिक्ससँग सम्बन्धित विभिन्न महत्वपूर्ण विषयमा छलफल हुने बताइएको छ। सम्मेलनपछि भारतीय प्रधानमन्त्री नरेन्द्र मोदीले चार देशका नेताहरूसँग छुट्टाछुट्टै द्विपक्षीय भेटवार्ता गर्ने कार्यक्रम रहेको छ।
सम्मेलनको पहिलो दिन नै भारतले ब्रिक्स राष्ट्रहरूका लागि तत्काल कुनै साझा मुद्रा निर्माण गर्ने प्रस्ताव नरहेको स्पष्ट पारेको थियो। यद्यपि, सदस्य राष्ट्रहरूबीच स्थानीय मुद्रामा व्यापार तथा भुक्तानीलाई बढावा दिने विषयमा छलफल भइरहेको भारतीय विदेश मन्त्रालयले जनाएको छ। यसको उद्देश्य अन्तरदेशीय व्यापारलाई सहज बनाउँदै कारोबारको लागत घटाउनु रहेको छ।
यसैबीच, ब्रिक्स राष्ट्रहरूले शनिबार ‘नयाँ दिल्ली घोषणापत्र’ स्वीकृत गरेका छन्। घोषणापत्रमा विभिन्न अन्तर्राष्ट्रिय विषयमा साझा धारणा सार्वजनिक गरिएको छ।
घोषणापत्रमा रुस र चीनसहितका ब्रिक्स राष्ट्रहरूले पहलगाम आतङ्ककारी हमलाको निन्दा गर्दै आतङ्कवादविरुद्ध सामूहिक प्रयास गर्ने प्रतिबद्धता जनाएका छन्। आतङ्ककारीलाई आर्थिक सहयोग तथा सुरक्षित आश्रय उपलब्ध गराउने गतिविधिविरुद्ध समेत कडा कदम चाल्ने विषयमा जोड दिइएको छ।
ब्रिक्स राष्ट्रहरूले आपसी व्यापारमा अमेरिकी डलरको निर्भरता घटाउँदै स्थानीय मुद्रामा कारोबार बढाउने प्रयास गरिरहेका छन्। साथै, डिजिटल भुक्तानी प्रणाली र डिजिटल मुद्रालाई आपसमा जोड्ने विषयलाई पनि प्राथमिकता दिइएको छ।
यस्ता पहलले सदस्य राष्ट्रहरूबीच सीमा-पार कारोबार सहज बनाउने र भविष्यमा डलरमा निर्भरता केही हदसम्म घटाउने अपेक्षा गरिएको छ।
© 2026 All right reserved to khabarcnter.com | Site By : Sobij
