२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । भोटेकोशी बाढीका कारण ज्यान गुमाएका १ हजार ३८५ जनाको शव फेला परेको छ । तर, तीमध्ये अहिलेसम्म १०३ जनाको मात्र सनाखत भएको छ ।
गत भदौ १० गते चीनको तिब्बततर्फबाट ल्हेन्दे खोला हुँदै आएको बाढीले रसुवाको गोसाइँकुण्ड गाउँपालिका–स्थित रसुवागढी र टिमुरे क्षेत्रमा ठूलो मानवीय तथा भौतिक क्षति गरेको थियो ।
मृतकका शवको पहिचान गर्न कठिन भइरहेका बेला टिमुरे क्षेत्रमा फेला परेका चार शव भने गोजीमा भेटिएको मोबाइल फोनका कारण पहिचान गर्न सहज भएको छ ।
रसुवाका डीएसपी अशोक थापाका अनुसार ती शवको मुचुल्का गर्ने क्रममा मोबाइल भेटिएपछि त्यसमा रहेका सिमकार्ड निकालेर परिवारसँग सम्पर्क गरिएको थियो । मोबाइल नम्बरमार्फत आफन्तसँग सम्पर्क भएपछि चारै जनाको सनाखत भएको उनले बताए ।
मोबाइलबाट पहिचान हुनेमा नुवाकोट बेलकोटगढी नगरपालिका–५ का ४० वर्षीय ठाकुर अधिकारी र रामबहादुर भुजेल, धादिङ बेनीघाट रोराङ गाउँपालिका–५ का ३२ वर्षीय बिमल त्रिपाठी तथा रसुवा गोसाइँकुण्डका फुर्पु धिन्डुक तामाङ रहेका छन् ।
उनीहरूको शव भदौ २२ गते परिवारलाई जिम्मा लगाइएको प्रहरीले जनाएको छ ।
रसुवामा मात्रै हालसम्म १७८ वटा शव फेला परेका छन् । तीमध्ये ११ जनाको सनाखत भएको छ । सनाखत भएकामा फुर्पु धिन्डुक तामाङ, ठाकुर अधिकारी, बिमल त्रिपाठी, रामबहादुर भुजेल, गंगादेवी श्रेष्ठ, पुदुली तामाङ, जनक आचार्य, बिविराम तामाङ, कुशल खपाङ्गी मगर, आशविर तामाङ र आशिष बानियाँ रहेका छन् ।
प्रहरीका अनुसार बाढीमा ज्यान गुमाएकाहरूको शवको पहिचानका लागि विभिन्न माध्यमबाट अनुसन्धान तथा सनाखतको काम जारी छ ।
© 2026 All right reserved to khabarcnter.com | Site By : Sobij
