२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । एलपी ग्यासका उपभोक्ताले जुनसुकै कम्पनीको सिलिन्डर (अल्टर) साट्न पाउने मन्त्रीको घोषणालाई व्यवसायीले अस्वीकार गरेका छन् ।
नेपाल एलपी ग्यास उद्योग संघका अध्यक्ष देवान चन्दले भने एक कम्पनीको सिलिन्डर दिएर अर्को कम्पनीको सिलिन्डर साट्न नसकिने प्रष्ट्याएका हुन् ।
नेपाल आयल निगममा भएको छलफलका क्रममा अध्यक्ष चन्दले एक ब्रान्डको सिलिन्डर अर्को ब्रान्डसँग साट्न नसकिने अडान राखेको बताए । उद्योगमन्त्री गौरी यादवले ग्यास उद्योगीहरूसँग छलफल नै नगरी एकतर्फी रूपमा जुनसुकै ब्रान्डको सिलिन्डर पनि साट्न दिने निर्देशन दिएको व्यवसायीहरूको भनाइ छ ।
उद्योग मन्त्रालय र नेपाल आयल निगमका प्रतिनिधिहरूसँगको छलफलमा आफूले सो कुरा स्पष्ट रूपमा राखिसकेको चन्दले जानकारी दिए ।
‘जुनसुकै ग्यासको सिलिन्डर साट्न सकिने कुरा व्यावहारिक रूपमा कठिन हुन्छ । उद्योगीहरूले यसमा असमर्थता जनाएका छन्,’ उनले भने ।
नेपाल आयल निगमका प्रतिनिधि, मन्त्रालयका अधिकारी तथा काठमाडौंका सीडीओलगायतको उपस्थितिमा भएको उक्त छलफलमा उद्योगीहरूले यसरी सिलिन्डर साट्दा आइपर्ने सम्भावित जोखिम र जटिलताबारे आफ्ना धारणा राखेका थिए ।
© 2026 All right reserved to khabarcnter.com | Site By : Sobij
