२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । नुवाकोटको विदुर नगरपालिका–१० स्थित त्रिशूली बजारबाट प्रहरीले घरमा पुरिएको अवस्थामा एउटा शव निकालेको छ ।
भोटेकोशी विपद्को १२ औँ दिनमा भेटिएको शव करिब ४५ वर्षीय राजेश जोशीको पुष्टि भएको छ । शवको सनाखत भएको नुवाकोटका एसपी विपिन रेग्मीले रातोपाटीलाई बताए ।
विदुरबाट पारिपट्टिको क्षेत्रमा डीएसपी हिरेन्द्र रोकाया नेतृत्वको टोलीले खोज तथा उद्धार कार्य गरिरहेका छन् । दायाँ हातमा लेखिएको ट्याटुबाट मृतकको पहिचान खुलेको हो । उनले नाडीमा आफ्नी पत्नीको नाम दीपिका लेखेको भेटिएको र त्यसैबाट पहिचान गरिएको उद्धारमा खटिएका सुरक्षाकर्मीहरूले बताएका छन् ।
जोशी परिवारका एकै घरका ५ जना सदस्य बाढीमा परेर सम्पर्क विहीन भएका थिए । त्रिशूलीमा भेटिएको अर्को शवको पनि पहिचान खुलेको छ । सोही ठाउँमा घरभित्र मृत अवस्थामा भेटिएकी सरिता जोशीको पनि पहिचान खुलेको एसपी रेग्मीले जानकारी दिए ।
© 2026 All right reserved to khabarcnter.com | Site By : Sobij
