२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । नेपाली काँग्रेसका सभापति गगनकुमार थापाले बाढीपहिरोका कारण घरबारविहीन भएका नागरिकहरूको अवस्था अत्यन्तै दयनीय रहेको भन्दै उनीहरूको पुनःस्थापनाका लागि विशेष पहल हुनुपर्नेमा जोड दिएका छन् ।
बिहीवार रसुवा बाढी पीडितका लागि पार्टीको विपद् व्यवस्थापन कोषमा काठमाडौं निर्वाचन क्षेत्र नम्बर ४ का १२ वटा इकाइहरूबाट संकलन गरिएको रकम बुझ्दै उनले यस्तो बताएका हुन् । विपद्पछिको वस्तुस्थितिबारे चर्चा गर्दै सभापति थापाले बाढीको विनाश भूकम्पको तुलनामा झनै भयावह रहेको बताएका छन्।
बाढीले जायजेथा सबै सखाप पारेपछि पीडितहरू हाल विद्यालय र सार्वजनिक भवनहरूमा आश्रय लिन बाध्य भएको र उनीहरूसँग जीविकोपार्जनको कुनै उपाय बाँकी नरहेको उनले उल्लेख गरेका छन् । सभापति थापाले बाढीले भौतिक पूर्वाधार ९बाटो, पुल, विद्यालय० मा पु¥याएको क्षतिसँगै व्यक्तिगत सम्पतीको क्षति अपूरणीय रहेको बताएका छन् । विशेषगरी खोला किनारका साना बजारहरू, जहाँ मानिसहरूले आफ्नो जीवनभरको कमाइ खर्चिएर सानो टुक्रा घडेरी किनेर बसेका थिए, ती बस्तीहरू पूर्ण रूपमा सखाप भएको उनको भनाइ छ ।
सभापति थापाले भने, ‘भूकम्पले घर भत्काए पनि जमिन बाँकी रहन्थ्यो, तर बाढीले त घरसँगै आश्रय दिने जमिन र गरिखाने खेतबारी समेत बाँकी नराखी बगाएर लैजाने रहेछ । कतिपयको ८–९ रोपनी खेत त कतिपयको उठिबास हुने गरी घरजमिन सबै बाढीले बगाएको छ। यस्तो अवस्थामा पीडितहरू पूर्ण रूपमा रित्तिएका छन् ।’
भूकम्पका बेला घर निर्माणका लागि सहुलियत ऋणको व्यवस्था गरिए पनि अहिले बाढीपीडितका हकमा घर बनाउने जमिन नै बाँकी नरहेकाले पुनःस्थापनाको चुनौती अझ जटिल बनेको थापाले बताएका छन् । काठमाडौं क्षेत्र नम्बर ४ बाट संकलित उक्त रकम बाढीपहिरो प्रभावितहरूको राहत र सहयोगका लागि पार्टीको केन्द्रिय कोषमार्फत परिचालन गरिने बताइएको छ ।
© 2026 All right reserved to khabarcnter.com | Site By : Sobij
