२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । नागढुंगा–पातले वन क्षेत्रमा सडक भासिएपछि प्रभावित भएको सवारी आवागमन सहज बनाउन नागढुंगा सुरुङमार्ग सञ्चालनमा ल्याइएको छ ।
सडक विभागका अनुसार काठमाडौं–मुग्लिनतर्फ जाने पेट्रोलियम पदार्थ बोकेका सवारीसाधन र दुईपाङ्ग्रे सवारीबाहेक अन्य सवारीलाई सुरुङमार्गबाट आवतजावत गर्न दिइएको छ ।
पेट्रोलियम पदार्थ बोकेका सवारीसाधन र मोटरसाइकललाई भने सडक भासिएको स्थानबाटै एकतर्फी रूपमा आवतजावतको व्यवस्था मिलाइएको विभागले जनाएको छ ।
भासिएको सडकको प्राविधिक अध्ययन गरेपछि मात्रै मर्मतको काम सुरु गरिने भएको छ । अध्ययनपछि सडक मर्मत तथा पूर्ण रूपमा सञ्चालनमा ल्याउनेबारे आवश्यक निर्णय गरिने सडक विभागले जनाएको छ ।
© 2026 All right reserved to khabarcnter.com | Site By : Sobij
