२०८३ आश्विन १ गते बिहिवार
२०८३ आश्विन १ गते बिहिवार
.gif)
काठमाडौं । गण्डकी प्रदेशमा नेपाल समाजवादी पार्टी (नेसपा) का फणीन्द्र देवकोटा फेरि ऊर्जा, जलस्रोत तथा खानेपानी मन्त्री बन्ने भएका छन् ।
नेकपा एमालेले सरकारबाट बाहिरिएपछि रिक्त भएको मन्त्रालयमा देवकोटालाई जिम्मेवारी दिन लागिएको हो । देवकोटाले यसअघि पनि ऊर्जा, जलस्रोत तथा खानेपानी मन्त्रालय सम्हालेका थिए ।
देवकोटाले मन्त्री पदबाट राजीनामा दिएपछि उक्त मन्त्रालयको जिम्मेवारी कांग्रेसका नन्दप्रसाद न्यौपानेले सम्हाल्दै आएका थिए । अब न्यौपानेको जिम्मेवारी हेरफेर गर्दै उनलाई भौतिक पूर्वाधार विकास तथा यातायात व्यवस्था मन्त्रालयको जिम्मेवारी दिइने भएको छ ।
गण्डकी प्रदेशमा भौतिक पूर्वाधार र ऊर्जा मन्त्रालयलाई सबैभन्दा बढी बजेट प्राप्त हुने मन्त्रालयका रूपमा लिइन्छ ।
यससँगै गण्डकी प्रदेश सरकारमा मन्त्रालयको जिम्मेवारी हेरफेर हुन लागेको हो । देवकोटालाई आजै मन्त्री नियुक्त गरी शपथ गराउने तयारी गरिएको छ।
© 2026 All right reserved to khabarcnter.com | Site By : Sobij
